Actualités

Paul Rabary! Raha raisintsika aty amin’ny ambaratonga fototra, hoy izy, dia eo amin’ny katitakely ka hatraty amin’ny afaka BEPC dia hitanareo fa sahirana na ny mpampianatra na ny mpianatra. Ny PSE tsy mandeha amin’izay laoniny. Ny mpampianatra tsy tafiditra mpiasam-panjakana. Korontana be ao. Miakatra kely indray isika manomboka aty amin’ny lisea moa dia iny hitantsika iny ny Bakalorea. Tsy mbola nisy tao anaty tantaram-pirenen’i Madagasikara nanomboka tamin’ny fahaleovantena ka hatramin’izao ilay Bakalorea mikorontana. Ny tamin’ny taona 1991 moa tsy natao. Fika rakarana fanadinam-panjakana izany anefa tokony efa mahazatra na hoe “routing” fa tsy hisy korontana izany. Tsy tokony ho olana eto mihitsy izany nefa tamin’ity fitondrana ity in-droa. Tamin’ny nanombohan’ilay fitondrana dia izao izy hamarana azy izao. Korontana tanteraka no misy. Fantatrareo ny zava-misy aty amin’ny oniversite. Ny takianay mpampianatra mpikaroka amin’ny alalan’ny SECES dia ny fanomezana hasina ny mpampianatra mpikaroka. Fanomezana ny fahafahan’ny mpampianatra mpikaroka miasa anaty fitoniana. Fandoavana ny karamany. Nanomboka ny taona 2018 no mankaty dia varimasaka ny fandoavana ilay karama. Misy ny tsy nandray 4 taona na 3 taona. Asa efa vita nefa izany fa tsy hoe mbola ho atao. Tafiditra anaty tetibolam-panjakana, lalànan’ny tetibolam-panjakana. Tombontsoa efa neken’ny fanjakana dia tsy aloha. Tena ivakian’ilay fanjakana loha ve ilay fanabeazana ary manana fomba fijery momba ny fanabeazana ve ny fanjakana? Ny fanabeazana tsy efitrano, tsy kitapo, tsy boky fa tena isan’ny manahirana be satria olombelona no manabe, olombelona no beazina. Olombelona no tafavoaka, Olombelona no raiamandreny. Tsy maintsy omena hasina izany ny mpanabe, mpianatra, ray aman-drenin’ny mpianatra. Ny fanomezana hasina azy dia ny fanomezana azy fitaovana sy fanampiana azy amin’ny zavatra maro samihafa toy ny fampiofanana sy ny kalitaon’ny zavatra omena. Manahirana sy atao tsy dia misy vidiny loatra izany izao. Tsy tsapan’ny fitondrana ve ny fangirifirian’ny olona miady amin’izany tsy fisiana izany? Ny vahaolana voalohany dia hoe manam-bola ihany ny fanjakana hanaovana an’ity werawera rehetra ity, maninona no tsy aloha ny karaman’ny olona miasa? “Jeux des iles” na lalaon’ny nosy sa fampianarana no zava-dehibe amin’ny fitondrana, hoy hatrany ny tenany?
J. Mirija