Politique

eo anivon’ny antoko politika PDCM na antoko demokraty Kristianina eto Madagasikara. Ny filoha teo aloha Rapetera Désiré ihany no mbola nametrahana ny fitokisana ho filohan’ny antoko, hoy ny fampitam-baovaon’izy ireo ny sabotsy teo. Manan-karena i Madagasikara nefa mahantra ny malagasy, hoy ny antoko. Olom-bitsy no misitraka ny harena misy eto amin’ny tanindrazana. Tokony ny malagasy no hifehy ny toekarena fa tsy ny gasy vitsy sy vahiny. Ireo toekarena tokony ho fehezin’ny malagasy na harena an-dranomasina, harena ambonin’ny tany, harena ambanin’ny tany. Ankoatran’ny fampiakarana ny karaman’ny mpiasa dia ilaina ny fanaovan’ny mpitodra trano fonenana ho zakan’ny fahefa-mividy, fanatsarana ny lalàna rehetra, ireo no vinam- piarahamonina takian’ny PDCM. Ny fahazoan’ny kitapom-bolam-panjakana amin’ireo vokatra mandritra ny 5 taona, fitantana ny vola ao amin’ny kitapom-bolam-panjakana. Ny fahasalamana tokony ho mamaimpoana, fanomenazana antoka ny fampianarana ho mamaimpoana avy amin’ny kitapom-bolam-panjakana, fananganana orinasa mba hananan’ny vahoaka asa mahavelona azy, fanampiana ny tantsaha, omena tany masomboly, trano fonenana amin’ny ofany mora, famitana ny lalana rehetra, fokontany kaominina, distrika, faritany, fifandraisan’I Madagasikara amin’ny sehatra iraisampirenena. Ny angatahana amin’ny CENI dia ny fahaleovantenany. Ny PDCM tsy mankasitraka ady an-trano. Aleo very tsikalakalam-bola toy izay very tsikalalam-pihavanana. Ny fahamarinana no manandratra ny firenana. Miantso ny Malagasy rehetra tsy hanamari-tena. Ny marina hamarinina ary ny diso dia disoina. Handray anjara amin’ny fifidianana rehetra ny PDCM, hoy hatrany ny fanambarana.
J. Mirija
Légende: Ny filohan’ny PDCM