Politique

farany teo, hoy ny filoha lefitry ny antoko teo aloha, Hary Razafindrazaka. Fantantsika, hoy izy, fa efa nanapa-kevitra ny antoko ny hiverina hikambana taorian’ny disadisa nisian’ny hoe elatra Jean Max Rakotomamonjy sy Pr Rabesa Zafera Antoine. Nisy ny marimaritra niraisana, noho izany, dia ny fiaraha-mitantana. Antony ihany koa io nanekeko ny tsy ho isan’ny birao na dia efa notononina ho isan’izany aza. Nomena fitenenana ihany moa ny tena ary nilaza hoe inoako fa tsy niova ny fotokevitry ny antoko ary ny angatahako dia mba tsy ho moana intsony ny antoko manoloana ny toe-draharaham-pirenena ankehitriny. Isan’izany, ohatra, ny nambaran’ireo mpiara-miombon’antoka mikasika ny vola nampiasaina tamin’ny COVID hoe nankaiza daholo? Miandry ry zareo fa toa mbola tsy misy valiny? Misy olana ny dikan’izany ny resaka fanjakana tsara tantana. Iaraha-mahita io ny tsy fisiam-bolam-panjakana. Tara foana ny karaman’ny mpiasam-panjakana, ny mpampianatra, zavatra maro no tokony natao nefa tsy natao. Ny vola hanaovana werawera anefa tsy mijanona. Tsy misy fandrosoana eto Madagasikara raha tsy misy fitsinjaram-pahefana. Hatramin’izay ny Leader Fanilo no efa resy lahatra tamin’izany. Izany tetikasan’ny filoham-pirenena izany tsy fitsinjaram-pahefana fa fanagiazam-pahefana. Mino aho fa mbola misy ny etika politika izay tsy dia tena narahanay loatra tao amin’ny antoko. Aoka hazava! Ezahana iverenana kosa izany izao. Ny mahatonga ny tena tsy hanangana Leader Fanilo vaovao dia noho ny etika politika. Iarahantsika malala fa tsy misy intsony eto ny etika politika. Leader fanilo taloha ny ankamaroan’ireo depiote Mapar ireo dia mivadibadika eo ny sasany lasa HVM dia TIM dia toy izany daholo. Mila tsaboina izany rehetra izany, hoy hatrany ny tenany.
J. Mirija