Politique

tsy mety ataon'ny fitondrana ankehitriny, hoy ny mpampianatra mpikaroka, Pr Jonah Ratsimbazafy. Fomba efa fanao sy fahita moa izany eto Madagasikara, hoy izy. Toy ny hoe olona tsy tao anaty fitondrana izy ary miseho fa izy no anjely tao. Mety hisy hatramin’ireo lehiben’ny andrimpanjakana ireo izany fa tena ho hafa mihitsy ny fomba fanehoan-keviny. Ohatry ny hoe izy no olona tena nahatsapa ny fahorian’ilay vahoaka. Eto aho dia te hiteny hoe angony avokoa izay sary sy feon'ireny olona ireny amin’izy anatin’ny fitondrana mba ho porofo amin’ireny tanalahy sy tanavavy ireny. Hitan'ireo BIANCO Kristianina tsara mihitsy izao zavamisy eto amin’ny firenena izao fa ilay trondro kely ihany no hitanareo. Mandry ve ny feon'ny fieritreretanareo tsy sahy mijoro amin’ny marina. Rehefa miresaka aminay aty ivelany ianareo namana ao ireny dia miteny ny marina ihany. Koa maninona raha tsy izao no mampiseho ilay fahamarinana? Matahotra ny aina ve? Mamy ny vola sy ilay toerana ve? Fa angaha ny ainay tsy misy vidiny? Misaotra betsaka anareo aho raha voavakinareo fotsiny ity hafatro ity, hoy hatrany izy, sady nilaza fa fiatsaram-belatsihy manara-penitra no misy eto.
J. Mirija